冊那小議 來自上海言話講起來 00:00 05:56
滬語朗讀：王震
作者：陳永生
滬語改寫：丁迪蒙
上海閑話當中個“冊那”，肯定是個齷齪詞語，尤其是后頭還帶“娘”個伊鐘五個字個動賓短語，則更加是罵人個閑話。
但是，有眼人卻是常莊使用迭個“冊那”，更加結棍個竟然到了嘸沒迭個詞就勿能開口個程度，一旦講閑話，先出來“冊那”，接下去勿斷，直到閉牢嘴巴。
儂假使講伊是勒罵人伐，真?zhèn)€是有眼冤枉伊了，因為伊講閑話個對象儕是親朋好友，就連得搭自家個父母、屋里人講閑話個辰光也是搿能個，可見，“冊那”已經(jīng)是成為了伊個口頭語了。所以，辰光長了，上海人對滿嘴巴“冊那、冊那”個人也就見怪勿怪、嘸沒人在乎了。
從語言學個角度來看，既然迭個“冊那”勿是罵人個，葛就說明伊已經(jīng)虛化了，也就是講勿再是個有詞匯意義個實詞了，而是一個已經(jīng)退化成為只存有語法意義個虛詞了。
虛詞，也要分好幾類，葛末，“冊那”算是阿里一個種類呢？
我覺著勒搿種語言環(huán)境里向，伊應該相當于一個語氣詞。講句笑話，有點象古代漢語當中個句首發(fā)語詞，譬如“夫”、“蓋”咾啥，因為搿些詞出現(xiàn)勒勒句首是嘸沒實在意義個，只不過是起發(fā)語個作用，表示接下來有閑話要講、有議論要發(fā)表。而伊眼“冊那”勿離口個人，勿是同樣也是先來個“冊那”，接下去再有下文個嘛？勒搿種情況下頭，“冊那”個發(fā)語作用就邪氣明顯了。
當然咾，“冊那”也勿完全等同于句首發(fā)語詞，因為發(fā)語詞僅僅是“啟下”而勿是“承上”個。“冊那”就勿是搿能，伊既承前、又啟后，好比是撲克牌當中個A，兩頭通。搿也就是講，“冊那”勒某些人個嘴巴里，只是表示停頓、表示銜接而已，伊會得周而復始個出現(xiàn)，勿斷個“繼往開來”。
仔細想想，覺著“冊那”有點類似于現(xiàn)在個年輕人，勒講普通話個辰光經(jīng)常要用個伊個“然后”。沒講幾句就是一個“然后”，講了幾句又是一個“然后”，接連勿斷，層出勿窮。其實，“然后”下頭個閑話並勿一定是順敘，插敘、倒敘儕是有可能個。
同樣，搿種現(xiàn)象勒英語當中也有個，一些女青年講閑話個辰時會得經(jīng)常勿停個使用like，其實，搿種語境當中個like已經(jīng)嘸沒“象”個詞義，只是一種口氣，表示承接。
“冊那”除脫仔表示發(fā)語搭仔承接以外，有辰光還可以單獨使用，表示感嘆或者驚嘆，勒搿種情況下頭，伊就成為了一個嘆詞。
講閑話帶“冊那”個上海人里向，從性別看，比較多個是男性，女性邪氣少，一旦女人用了搿種詞語，就顯得有眼“口粗”或者是“男人腔”；從年齡上頭看，一般是“爺叔”或者年紀更加大眼個，青少年相對要少。
搿搭要提一提個是，改革開放以后，交關外籍人進到上海來，辰光長了，其中有勿少人上海閑話講得邪氣好，有個甚至一時頭里老難聽得出伊是“新上海人”還是“老上海人”。不過，鑒別個辦法好像還是有個，葛就是“新上海人”講閑話一般是勿帶“冊那”個，反過來，閑話里帶迭個詞個，十有八九是“老上海人”。
搿搭需要說明一下個是，從形式邏輯個角度來看，“講閑話帶‘冊那’個”搭仔“老上海人”是從屬關系，所以，閑話千萬勿可倒過來講，搿就好比“豬玀是四只腳個”，但是儂勿好講“四只腳個儕是豬玀”，因為還有牛、馬，還有臺子、椅子咾啥。
斗轉星移，移風易俗，現(xiàn)在個上海年輕人講閑話帶搿種“標點符號”個逐漸少了，搿表明，“冊那”也將隨牢社會個進步而日薄西山、氣息奄奄。
最后，小結一下，勒上海，一旦碰著嘴巴里向帶“冊那”個，儂千萬勿要以為伊勒罵人，外地來個朋友勿要因此而引起誤會了。
聯(lián)系客服
