作者：歐陽德彬
來源：渡十娘
滬語改寫：邊秦翌
滬語講述：金麗萍
葛末儂想哪能辦呢？
我也想離開大廈，只必過搿歇還勿是辰光。我還要存點(diǎn)鈔票，以后到周邊小鎮(zhèn)去買套小房子，可以埋頭做做自家歡喜個(gè)事體。
葛末想做眼啥個(gè)事體呢？
當(dāng)然是看自家想看個(gè)書，寫自家想寫個(gè)文字，反正勿想受人驅(qū)使。勿要像現(xiàn)在，像煞是上班辰光也是勒勒看書寫字，但是要看別人家讓儂看個(gè)書，寫別人家讓儂寫個(gè)字。
葛末就嘸沒穩(wěn)定收入了呀？
所以要先存眼鈔票末。
哈哈，年輕人倒是蠻有想法個(gè)末。林莉開玩笑一樣個(gè)講。看得出來，交了辭職報(bào)告，好像讓伊變得邪氣輕松愉快，一眼眼也嘸沒離開大廈個(gè)悲傷。
我講撥儂聽呶，有趟汏好頭，發(fā)現(xiàn)自家額角頭浪竄出來好幾根白頭發(fā)，看得我是觸目驚心啊。過了而立之年，就算闊步邁進(jìn)中老男人個(gè)行列嘍。
儂還年輕，勿像我，告儂女朋友個(gè)姆媽是一個(gè)年紀(jì)。儂真是有得先見之明，尋個(gè)女朋友，還有一個(gè)年輕個(gè)丈母娘，賺到了呀。
瞎講八講，是負(fù)擔(dān)更加重了好伐。儂曉得伐，香水每趟要買兩瓶，蘋果手機(jī)也要買兩部唻。儂一眼也勿顯老，路還長，應(yīng)該再尋個(gè)男人。
單身辰光長了就勿想再尋了。再講，也勿好尋啊，?男人儕歡喜年輕漂亮個(gè)學(xué)生妹，阿里會(huì)得歡喜年老色衰個(gè)老阿姨啊。
鳥城外國人蠻多個(gè)，儂尋個(gè)有鈔票個(gè)老外也可以個(gè)呀。
儂以為到搿搭來個(gè)老外儕是腰纏萬貫個(gè)啊，講撥儂聽呶，伊拉大部分儕是窮來西個(gè)，尋女人只必過是白相相。
迭個(gè)辰光，伊拉兩個(gè)人走到了風(fēng)箏廣場，沐浴勒彎月個(gè)光輝中，迎面吹得來清涼個(gè)微風(fēng)。廣場浪向個(gè)紫荊樹搭仔鳳凰木呈現(xiàn)出告白天介完全勿一樣個(gè)風(fēng)貌。連得大家相互之間個(gè)交談也變得真實(shí)起來，搭白天介講個(gè)閑話是完全勿一樣個(gè)。搿能介個(gè)情景似曾相識(shí)，勿久之前，張潮搭仔女朋友到過此地，只必過伊個(gè)辰光正好是滿月罷了。
等到回到文化路，就看勿到月亮了。張潮轉(zhuǎn)移了話題。
文化路勿是有得儂生活個(gè)全部么？出租屋、辦公室、單位食堂統(tǒng)統(tǒng)勒勒搿搭。林莉講。
我邪氣眼癢儂，可以逃離伊個(gè)地方。張潮講。
逃離算勿上，其它地方也差勿多，好勿到阿里去。已經(jīng)介晏了，阿拉吃點(diǎn)老酒伐。林莉提議。
要么去文化路伊面?zhèn)€白夜酒吧伐？張潮提議。伊面有的是容易上手個(gè)女人，一道吃眼老酒就可以去開房。代價(jià)是第二天早浪向醒過來，看到一張卸妝之后個(gè)面孔，會(huì)得拿儂嚇得半死。
勿去勿去。常怕碰著熟人。勿如穿過蓮花山，到山北伊面，隨便尋家酒吧。
好個(gè)呀，我也正好想吃點(diǎn)酒。自從參加工作，三點(diǎn)一線個(gè)生活，覺著自家與世隔絕了。
吃酒好啊，葛末儂會(huì)得照顧一個(gè)勿當(dāng)心吃酒吃過頭個(gè)女人伐拉？
當(dāng)然咾。邪氣擅長。
林莉嘸沒講閑話，笑了笑，朝牢仔山北個(gè)方向走過去。走了幾步又折回來。
還是各自回去伐？伊細(xì)碎個(gè)步子也快了起來。
儂心里向只會(huì)得想儂個(gè)小嬌娘。哎，問儂一句，儂是想告伊結(jié)婚，還是只想告伊睏覺？伊笑勒海問。
當(dāng)然要長遠(yuǎn)發(fā)展啦。張潮回答。
葛末儂就好好叫，要當(dāng)心維護(hù)儂個(gè)靈氣，勿要讓工作撥伊耗光了。我就是一個(gè)活生生個(gè)反面教材，撥伊份工作榨干了一切。伊講好之后步子就更加快了，勒勒一棵挨牢仔一棵個(gè)榕樹下頭奔起來了。張潮隨便哪能也趕勿上。奇怪個(gè)女人。
朗讀者
往期回顧：
圖：網(wǎng)絡(luò) / 編輯：渺渺
聯(lián)系客服
